家常小炒-螺片炒木耳西蘭花

家常小炒除了要簡單還是夠健康及顏色漂亮。

煮野食請客或者平時屋企食飯，唔一定要道道高難度先叫做真功夫。

煮一圍9-10人的菜考驗的反而是制定菜單，多種類，多花款，多顏色，及煮食時間分配，

不然的話全部煮好上台時...有一半菜都變冷了。

今次煮呢個菜只要事前準備好，煮法簡單及時間快。

煮法: 

可以買新鮮螺肉或者急凍螺肉，解凍切片。

木耳浸水變軟。

西蘭花切粒(  技巧及形狀見人見致 )

首先 開穫落水滾起落西蘭花及木耳飛一飛水撈起。

30秒至1分鐘就夠 (見西蘭花變翠綠色即撈起) 。

撈起過冷河待用。之後螺肉可以落穫飛水撈起，約10秒就夠，洗走雪味。

開油穫落兩片薑及蒜粒炒起後，落西蘭花及木耳快炒後落雙蒸酒炒香，

再落螺肉及少少雞湯之後蓋上穫蓋收水。

之後就可以落少少麻油及鹽調味及埋茨。

呢道菜花費不多但味道鮮甜及健康，煮多D都唔怕~~~~

而且變化多多，因為木耳及西蘭花都是健康食材，兩者可以保留，將螺肉可以轉做魷魚，帶子，珊瑚蚌等等都一樣可以。